Text

Tsismis ni kumare, talo pa ang sine
Mayro'ng number two raw itong si kumpare

May pakpak ang balita, may tainga ang dingding
Wala pang sikretong 'di makakarating

Puro pangako, laging napapako
Wala namang nangyari ngayong nakaupo

Sa pulitika, puro pambobola
Ang ating pag-asa, hindi tuloy makuha

Chorus:
Hindi man maabot ng aking isipan
Nakikita ko sa kapaligiran
Wala na bang natitira pang nilalang
Na magbabago sa kasalukuyan?

Ang mga buwaya, nagkalat sa kalsada
Mga walang patawad basta't tungkol sa pera

Wala nang lisensya ka pang ibibgay
Absuwelto ka na basta't may lagay

Kay raming manananggal, gabi lumalabas
Sila'y naglilipana, manananggal ng lakas

Sino'ng susunod? Tayo'y mauubos
Sigaw ng mga tao, "Ipako sa krus"

Chorus:
Hindi man maabot ng aking isipan
Nakikita ko sa kapaligiran
Wala na bang natitira pang nilalang
Na magbabago sa kasalukuyan?

Nagising sa ingay, away ng kapitbahay
Kahit matagal na, hindi pa rin masanay

Maliit na bagay ay pinalalaki
Ngayo'y nagsisisi kung kailan pa huli

Itong kasalukuyan, hindi kinabukasan
Kung 'di na uulitin lahat ng kamalian

Tayo ay magsama, huwag nang bibitiw pa
At baka maiwan kang nakatanga

Chorus:
Hindi man maabot ng aking isipan
Nakikita ko sa kapaligiran
Wala na bang natitira pang nilalang
Na magbabago sa kasalukuyan?