Text

  G / Am / Em 
S'è tù ti n'avveni la mio innamurata
 Em / Am / B7 / Em 
Ne fecemu noi prumesse sulenne

- / G / Am / Em 
Ancu senza festa per quelle le strenne
 Em / Am / B7 / Em 
La volsemu bella la nostra abbracciata

 Am / Em 
Mà oghje mi pare di sente e tintenne
 Am / B7 - Em 
O Corsica mea quantu sì cambiata

Sè tu t'arricordi di quella sbarcata
colmi di speranze è di l'allegria
c'era in core à noi cumu diceria
un rispiru novu d'una sventulata
mi parenu oghje tutte niscentrie
o Corsica mea quantu sì cambiata

Un paese spentu da la spenserata
a campagna guasta da u lasciacorre
a cità chì ride di lu so rimore
ogni cosa cara la sentu sbandata
hè ghjunta amarezza ind'u nostru amore
o Corsica mea quantu sì cambiata

Da lu sognu fieru chì ti fece fata
purtatu da l'omi nostri più sinceri
à lu celu d'oghje dopu à quellu d'eri
mi pare chì tuttu pigli la falata
s'approntinu ghjorni d'angoscia è penseri
o Corsica mea quantu sì cambiata

Ma ùn vogliu perde la sperenza amata
nè la vogliu sente la to malacella
in mare turchinu una navicella
mi fermerà in core, di neve impannata
è in la mio memoria ci luce la stella
di Corsica mea ch'ùn hè ma’ cambiata