Text

MORNAREVA PISMA

Proša‘ ja san pola svita
nosili me moren mnogi brodi
ali di god da san iša
pantija san škoj na kon se rodi.
Ali di god da san iša
pantija san škoj na kon se rodi.

Refren:
Ni‘ me doma dugo bilo
moru da‘ san mladost svoju,
a sad kad je starost došla
vrati san se tebi škoju.

Dica što su nekad bila
sada rivon svoju dicu vode.
Na mladost me samo sića
kamen, trsi, masline i more.
Na mladost me samo sića
kamen, trsi, masline i more.