Text

Tabi po!  Tabi po!

 

Intro:  ( Gm  D) x 2

 

I:  paulit-ulit na ( Gm D7)

Naglakad ako sa daang putikan

sa sobrang dulas ay napilitang magyapak

Hinubad ko ang bagong sapatos ko

tinali sa aking bakpak

Gumapang paakyat sa putik at bato

at nakarating sa balikat ng bundok

Naglakad paloob sa makapal na kahuyan

nakarating sa daang madamo

Nang sapatos ko’y isusuot na sana

kanan na lamang ang natitira

Kung saan naman nakarating ang kaliwa’t

binalik-balika’y ‘di pa rin makita

Ano ngayon, ano ngayon ang gagawin ko?

Iisa na lamang ang sapatos ko

Ito na ba yung sinasabi nilang pinaglaruan?

 

Refrain

 

 Gm                   Bb           D7 

Tabi po!  Tabi po!  Palabiro!

Mapaglarong engkanto!

 Gm                   Bb           D7 

Tabi po!  Tabi po!  Palabiro!

Mapaglarong engkanto!

 Gm                   Bb           D7 

Tabi po!  Tabi po!  Palabiro!

Mapaglarong engkanto!

 Gm                   Bb           D7 

Tabi po!  Tabi po!  Palabiro!

 

Tulay = Intro

 

II = paulit-ulit na ( Gm D7)

Sa awa ng Diyos ako nama’y nakarating

sa pook-tulugan, takipsilim na

Inabutan ng antok dala ng pagod at dilim

at hihigan ko’y inilatag na

Nang ang mga mata ko ay pumipikit-pikit

biglang nagliwanag ang langit

Ako’y tumingala at ang nakita ko

‘di-mabilang na bituing nanggigising

‘Sang korong kuliglig nag-awitan bigla,

‘sampangkat ng palaka nagkokokak-kokakan

Mga dahon at sanga nagpalakpakan –

paano matutulog niyan?

 

Repeat Refrain

Awitan ng palaka at kuliglig = paulit-ulit na ( Gm  D)

 

III = paulit-ulit na ( Gm D7)

Sa awa ng Diyos ay nakatulog din ako

dikit sa lupa’t himbing na himbing

At ang una kong nakita sa pagdilat sa umaga’y

‘samparis ng sapatos kamukha nung akin

Bumangon ako’t tiningnan ang sapatos

walang kaduda-duda na sa akin nga ito!

Kumpaano nabuo, ‘di ko po alam

ito na nga siguro yung pinaglaruan!

 Gm           Bb           D7 

Uminom ako sa ilog, nguni’t lalong nauhaw!

 Gm                Bb            D7 

Naupo sa batong malaki ‘yun pala ay kalabaw!

 Gm                     Bb              D7                                    

Hinanap ang daang pababa,  nguni’t lalo akong

        Gm  Bb  D7 

nawala!              Tabi po!

 

Repeat Refrain x 2

 

Tabi po!  Tabi po!